Shqiptarët në SHBA i kanë nisur një letër presidentit Joe Biden lidhur me sulmin në veri të Kosovës.
Përmes kësaj letre, organizata shqiptaro-amerikane i kanë shprehur shqetësimin për veprimet e fundit të Serbisë ndaj Kosovës. Ata i kanë kërkuar SHBA dhe BE-së të marrin masa kundër presidentit serb, Aleksandar Vuçiç.
“Ne jemi thellësisht të shqetësuar nga kërcënimi i vazhdueshëm që paraqet Serbia dhe presidenti i saj Aleksandar Vuçiç ndaj Kosovës dhe popullit të saj”, thuhet në letrën e nënshkruar nga rreth 90 shoqata dhe grupe shqiptaro-amerikane.
Ata i kërkojnë presidentit Biden një takim për të diskutuar për gjendjen e krijuar kryesisht nga sulmi i 24 Shtatorit në Banjskë në pjesën veriore të Kosovës, si edhe grumbullimin e madh ushtarak nga Serbia në kufirin me Kosovën.
“Serbia nuk mund të mbetet anëtare e komunitetit perëndimor duke mbajtur njëkohësisht lidhje të ngushta me Rusinë”, thuhet në letër.
Ky komunitet është i shqetësuar për rolin e rrezikshëm që Serbia ka ndërmarr në rajon.
“Shtetet e Bashkuara dhe Bashkimi Evropian nuk mund ta trajtojnë më Serbinë si një partner të besueshëm ndërkohë që ajo furnizon dhe tani strehon terroristë të armatosur rëndë”, shkruhet në lëtër./Opinion.al
