Kryeministri hungarez, Viktor Orban, deklaroi se ideja për vendosjen e sanksioneve ndaj Serbisë është qesharake dhe e pamundur.
Në një prononcim për gazetarët para fillimit të samitit të liderëve të BE-së, Orban theksoi se serbët dy vitet e fundit kanë vuajtur provokime të ndryshme.
“Duhet të kuptoni se si sillet Kosova. Ata nuk duhet të provokojnë serbët”, tha Orban.
Ai shtoi se nuk kishte stabilitet në Ballkan pa Serbinë dhe se kjo e fundit duhet të ndihmohet për të stabilizuar rajonin.
Kujtojmë se marrëdhënia Kosovë-Serbi u tensionua më së shumti pas sulmit të 24 shtatorit të ndodhur në Banjskë të komunës së Zveçanit, ku mbeti i vrarë një efektiv i policisë së Kosovës dhe janë plagosur disa të tjerë./Opinion.al
