I Ngarkuari me Punë i Ambasadës së SHBA-së, David Wisner është takuar me ministrin e Jashtëm shqiptar Igli Hasani.
Në një postimi në rrjetet sociale, Ambasada e SHBA deklaron se në këtë takim është diskutuar për sulmin grupit të armatosur serb në veri të Kosovës më 24 shtator.
Wisner dhe Hasani kanë qenë një linjë përsa i përketë sulmit, duke theksuar se autorët duhet të dalin para drejtësisë.
Postimi i Ambasadës SHBA
I Ngarkuari me Punë i Ambasadës së SHBA-së, David Wisner, uroi ministrin e Jashtëm shqiptar Igli Hasani për emërimin e ri dhe e falënderoi për partneritetin e fortë të Shqipërisë me Shtetet e Bashkuara. Ata diskutuan situatën në veri të Kosovës, duke rënë dakord se sulmi i 24 shtatorit ishte i papranueshëm dhe se personat e përfshirë në sulm duhet të sillen para drejtësisë. Z. Wisner shprehu gjithashtu mirënjohjen e Shteteve të Bashkuara për bujarinë e Shqipërisë në pritjen e të evakuuarve afganë në pritje të rivendosjes. Ai falënderoi gjithashtu ministrin Hasani për mbështetjen e palëkundur të Shqipërisë ndaj Ukrainës në Këshillin e Sigurimit të OKB-së dhe kandidaturën e Shqipërisë për Komisionin e Kombeve të Bashkuara për të Drejtat e Njeriut.
