Presidenti amerikan Joe Biden e ka përshkruar sulmin e djeshëm në Magdeburg, të Gjermanisë si një “ngjarje të neveritshme dhe të errët”.
Presidenti amerikan tha në një deklaratë se:
“Shtetet e Bashkuara shprehin ngushëllimet tona më të thella për popullin e Gjermanisë që u trondit nga sulmi i tmerrshëm në një treg Krishtlindjesh dje në Magdeburg, Gjermani.”
“Asnjë komunitet dhe asnjë familje nuk duhet të durojë një ngjarje kaq të neveritshme dhe të errët, veçanërisht vetëm disa ditë para një feste gëzimi dhe paqeje.
Ndërsa kjo situatë mbetet nën hetim, Shtetet e Bashkuara do të qëndrojnë gjithmonë me aleatët tanë kundër terrorit të dhunshëm.
Në ditët në vijim, ne do t’i mbajmë të gjithë të plagosurit dhe familjet e tyre, afër në zemrat tona.”
Presidenti Biden thotë se ekipi i tij është në kontakt me zyrtarët gjermanë dhe është gati për të ofruar ndihmë nëse është e nevojshme./Opinion.al
