Ambasada e SHBA-ve ka reaguar pas ngjarjes së ndodhur pak pas mesnate, ku u qëllua me armë godina e Top Channel dhe si pasojë mbeti i vrarë roja i sigurisë.
Në një reagim në faqen zyrtare në “Facebook”, ambasada amerikane në Tiranë ka dënuar sulmin dhe i ka bërë thirrje autoriteteve për një hetim tërësor që do të vërë para drejtësisë autorët e ngjarjes.
“Ambasada e SHBA në Tiranë dënon me forcë sulmin vdekjeprurës ndaj Top Channel dhe i shprehim ngushëllimet më të thella familjes së viktimës. Nxisim agjencitë ligjzbatuese të kryejnë një hetim tërësor që do të nxjerrë përgjegjësit përpara drejtësisë”-shkruan ambasada e SHBA.
