Yusuf Kodat, i cili gjendej në lokalin e natës në Ortaköy të Stambollit gjatë kohës kur është kryer sulmi terrorist, tha se kanë “shpëtuar me vështirësi duke u fshehur në terracë”, raporton Anadolu Agency.
Personat të cilët ndodhën në lokal gjatë sulmit terrorist në mbrëmjen e ndërrimit të viteve kanë shkuar në vendin e ngjarjes për të marrë makinat.
Yusuf Kodat, një nga personat i cili shkoi për të marrë mjetin e ti tha për mediat se jetonte në Francë dhe se ka shkuar në Turqi për ta festuar Vitin e Ri.
“Sulmit i shpëtuam me vështirësi duke u fshehur në tarracë. U fshehëm në tarracë derisa erdhi policia. Pritëm 10-15 minuta. I shkrova mesazh kushëririt tim i cili atë çast po ashtu ndodhej në klub. Kur ma ktheu mesazhin u qetësova. Që të dy shpëtuam duke u fshehur. Dëgjova vetëm zhurmën e të shtënave. Nuk dëgjova asgjë se çfarë thoshte sulmuesi. Kur erdhi policia, të gjithë u nxorrëm jashtë me duart lart”, theksoi Kodat.
Ai vuri në pah se ato çaste ende i kanë ngelur në kujtesë dhe se e ka të pamundur ta harrojë zhurmën e të shtënave, njerëzit në rrëmujë dhe pamjet e përgjakura.
