Nga sulmet terroriste në aeroportin Ataturk në Stamboll kanë humbur jetën deri në këto çaste 28 persona dhe janë plagosur mbi 60 të tjerë.
Dy shpërthime të fuqishme terroriste dhe disa të shtëna me armë kanë tronditur mbrëmjen e kësaj të marte Turqinë, e pikërisht zemrën e Stambollit aeroportin ‘Ataturk’.
Terroristi është parë të hapë zjarr me një armë automatike (Kallashnikov) ndërsa është përfshirë në një shkëmbim zjarri me personelin e sigurisë para se të hedhë vetën në erë.
Një polic hero u pa duke luftuar me një nga atentatorët para se të rrëzoheshin përtokë dhe eksplozivi të shpërthente.
Terroristët po përpiqeshin të kalonin nëpërmjet skanerave me rreze X, po s’u lejuan nga policia.
Dëshmitarët dëgjuan breshëri armësh nga parkingu i makianve të aeroportit.
Turkish Airlines është partner zyrtar ajror në kampionatin e futbollit “Euro 2016”, që po mbahet në Francë.
