SHBA tha se grupi Xhihadi Islamik Palestinez hodhi dje një raketë gabimisht dhe goditi spitalin në Gaza, sipas dy zyrtarëve të lartë amerikan.
Sipas mediave të huaja, ky informacion përputhet me atë që zyrtarët izraelitë raportuan se shkaktoi shpërthimin.
Zyrtarët palestinezë shëndetësorë dhe Hamasi kanë fajësuar një sulm ajror izraelit për shpërthimin, i cili sipas tyre vrau pothuajse 500 njerëz.
Duke folur para një takimi me kryeministrin izraelit Benjamin Netanyahu, Biden tha se “bazuar në atë që kam parë, duket sikur është bërë nga ekipi tjetër, jo nga ju”. Takimi i tij i planifikuar me udhëheqësit arabë në Jordani u anulua pas shpërthimit në spital.
Ministria palestineze e Shëndetësisë tha se 471 njerëz u vranë në atë që e quajti një bombardim “të synuar” izraelit ndaj Spitalit Baptist al-Ahli në Gaza qendrore. Izraeli tha se shpërthimi ishte shkaktuar nga një raketë e gabuar nga një grup militant palestinez.
Situata për civilët në Gaza po bëhet më e dëshpëruar ndërsa Izraeli vazhdon sulmet e tij ajrore, ndërkohë që ndihmat nuk kanë arritur ende në rripin e bllokuar. Më shumë se 3,400 njerëz janë vrarë dhe më shumë se 12,500 janë plagosur në Gaza. Në Izrael janë vrarë 1400 persona dhe janë plagosur 3500./Opinion.al
