Disa dëshmitarë të shpërthimit në Spitalin Al-Ahli në Gaza përshkruan skenën pas shpërthimit, për të cilin Ministria Palestineze e Shëndetësisë e kontrolluar nga Hamasi tha se vrau qindra njerëz.
Një mjek që po punonte, tha se ishte brenda spitalit në atë kohë, përshkroi se kishte parë “shumë trupa të copëtuar” pas shpërthimit, duke përfshirë një fëmijë që i ishte prerë koka.
“Njerëzit erdhën me vrap në departamentin e kirurgjisë duke bërtitur na ndihmoni, na ndihmoni, ka njerëz të vrarë dhe të plagosur brenda spitalit,” tha ai. Ai e gjeti spitalin plot me trupa të copëtuar dhe njerëz të plagosur.
“Ne u përpoqëm të shpëtonim këdo që mund të shpëtohej, por numri ishte shumë i madh për ekipin e spitalit,” shtoiai.
Shpërthimi i së martës vrau qindra palestinezë dhe shkatërroi një mision diplomatik të presidentit amerikan Joe Biden, i cili mbërriti në Izrael të mërkurën për të qetësuar rajonin, por u kundërshtua nga udhëheqësit arabë, të cilët anuluan një samit urgjent.
Izraeli tha se shpërthimi ishte shkaktuar nga një lëshim i dështuar i raketës nga grupi militant Palestinez Xhihadi Islamik, i cili mohoi fajin.
Numri i të vdekurve nga shpërthimi në spital ishte deri tani më i larti nga çdo incident i vetëm në Gaza gjatë dhunës aktuale.
Para shpërthimit të së martës, autoritetet shëndetësore në Gaza thanë se të paktën 3,000 njerëz kishin vdekur në 11 ditët e bombardimeve izraelite./Opinion.al
