Erdogan duhet të hetohet për krime lufte ka thënë ish-hetuesja e Kombeve të Bashkuara , Carla del Ponte gjatë një interviste për gazetën zvicerane, “Schweiz am Wochenende”.
Ish-anëtarja e Komisionit të Kombeve të Bashkuara për Hetime në Siri tha se ndërhyrja e Turqisë në Siri është në kundërshtim me normat dhe ligjet ndërkombëtare dhe për këtë ka akuzuar presidentin turk Rexhep Taip Erdogan për krime lufte pasi ka rindezur një konflikt në veri të Sirisë.
“Duhet të fillojnë hetimet ndaj Erdoganit dhe ai duhet të akuzohet për krime lufte. Nuk duhet të lejohet që ai të largohet i lirë”, tha Del Ponte
Del Ponte shtoi gjithashtu se shtetet evropiane kanë ngurruar që ta kundërshtojnë Turqisë lidhur me aksionet e saj pasi Erdogani kërcënoi se do t’ua hap dyert refugjatëve që të shkojnë drejt Europës.
Ajo dha dorëheqjen nga komisioni për hetimet në Siri në 2017, 5 vite pasi ishte bërë pjesë e tij, pasi sipas saj mungonte vullneti dhe përkrahja politike e Këshillit të Sigurimit të OKB-së për ti bërë asaj të mundur hetimin për konfliktin në Siri./Opinion.al
