Një nënë e dy fëmijëve ishte në mesin e 10 personave të vrarë në sulmin me thikë të ndodhur në Kanada, raportuan mediat lokale.
Viktimat u gjetën në 13 lokacione në James Smith Kri dhe në fshatin Ueldon, në një komunitet indigjen.
Dy të dyshuarit, të identifikuar si Damien Sanderson dhe Myles Sanderson, janë në arrati dhe janë cilësuar nga autoritetet si të rrezikshëm.
Si pasojë e ngjarjes edhe 15 persona të tjerë kanë mbetur të plagosur ndërsa sulmi është cilësuar si një nga aktet më vdekjeprurëse të dhunës masive që ka parë ndonjëherë Kanadaja.
Ndërkohë Reuters raporton se dy burrat janë parë duke udhëtuar në qytetin e Regina, rreth 320 km në jug të fshatit Weldon.
“Duket se disa nga viktimat mund të jenë shënjestruar dhe disa mund të jenë të rastësishme. Pra, të flasësh për një motiv do të ishte jashtëzakonisht e vështirë në këtë moment në kohë,” tha Rhonda Blackmore, oficere komanduese e Policisë Mbretërore Kanadeze të Saskatchewan një konferencë shtypi.
James Smith Cree Nation është një komunitet indigjen me një popullsi prej rreth 3,400 njerëz të angazhuar kryesisht në bujqësi, gjueti dhe peshkim.
