Ministria për Evropën dhe Punët e Jashtme ka reaguar në lidhje me sulmin terrorist në një Sinagogë në Jerusalem ku mbetën 7 të vrarë e 3 të plagosur.
Në një postim në “Twitter” MEPJ shkruan se është shokuar nga sulmi. Më tej shton se fakti që ngjarja ndodhi në Ditën Ndërkombëtare të Përkujtimit të Holokaust-it shton edhe më shumë neverinë ndaj akteve të tilla kriminale.
“Të shokuar nga sulmi i tmerrshëm terrorist në një Sinagogë të Jerusalemit. Fakti që ky sulm ndodhi në Ditën Ndërkombëtare të Përkujtimit të Holokaust-it e shton akoma edhe më shumë neverinë që ndjejmë ndaj akteve të tilla kriminale. Lutjet tona shkojnë për familjet e viktimave dhe për të lënduarit e këtij sulmi”/Opinion.al
