Papa Françesku bëri thirrje për t’i dhënë fund sulmeve dhe dhunës në Izrael dhe Gaza, duke thënë se terrorizmi dhe lufta nuk do të zgjidhin asnjë problem, por vetëm do të sjellin vuajtje dhe vdekje të mëtejshme për njerëzit e pafajshëm.
“Unë ndjek me shqetësim dhe pikëllim atë që po ndodh në Izrael”, tha Papa në fjalimin e tij javor para besimtarëve në Sheshin e Shën Pjetrit.
“Shpreh solidaritetin tim me të afërmit e viktimave dhe lutem për të gjithë ata që po përjetojnë orë terrori dhe ankthi”, tha ai.
“Lërini të pushojnë sulmet dhe armët, ju lutem, sepse duhet kuptuar se terrorizmi dhe lufta nuk sjellin zgjidhje, por vetëm vdekjen dhe vuajtjen e shumë jetëve të pafajshme. Lufta është një disfatë, çdo luftë është një disfatë. Le të lutemi për paqe në Izrael dhe Palestinë”, tha Papa.
Të shtunën, një sulm i shumëfishtë nga persona të armatosur palestinezë në qytetet izraelite la të paktën 250 izraelitë të vrarë, por nga ana tjetër u raportuan për 300 palestinezë të vrarë në bombardimet hakmarrëse të Izraelit./Opinion.al
