Përmes një mesazhi audio të publikuar online militantët e ISIS, kanë marrë përgjegjësinë e sulmit me bombë në pjesën kurde të Irakut nga i cili mbetën të plagosur rëndë 5 ushtarë italianë.
Militantët e Shtetit Islamik kanë pranuar organizimin e sulmit me bombë artizanale ndaj një makine të forcave të koalicionit kundër terrorizmit.
“Me ndihmën e Allahut, ushtarët Kalifatit vunë në shënjestër një mjet 4×4 që transportonte anëtarë të koalicionit ndërkombëtar dhe forca të antiterrorist Peshmerga në zonën e Qarajai, në veri të Kafrit, përmes shpërthimit të një bombe”, thuhet në mesazhin e agjencisë zyrtare të ISIS.
Ushtarët italianë që mbetën të plagosur nga ky shpërthim janë në gjendje të rëndë dhe ndodhen në një spital të Bagdadit. Ata do të transferohen sapo gjendja e tyre shëndetësore të stabilizohet./Opinion.al
