I vetmi në administratën e Bidenit deri më tani, Sekretari amerikan i Shtetit Antony Blinken ka akuzuar në mënyrë eksplicite Iranin se të paktën ka frymëzuar sulmin ndaj Salman Rushdie.
“Institucionet iraniane kanë nxitur dhunë ndaj shkrimtarit prej vitesh dhe mediat shtetërore ditët e fundit janë gëzuar për sulmin ndaj tij.
E gjithë kjo është e neveritshme”, tha Blinken në një deklaratë të lëshuar nga Departamenti i Shtetit.
Nga ana e saj, qeveria e Teheranit ka mohuar “kategorikisht” çdo lidhje me agresorin. “Ne mohojmë kategorikisht” çdo lidhje me agresorin dhe “askush nuk ka të drejtë të akuzojë Republikën Islamike të Iranit”, tha zëdhënësi i Ministrisë së Jashtme Nasser Kanani. Ky është reagimi i parë zyrtar i Teheranit ndaj goditjes me thikë të shkrimtarit të premten e kaluar gjatë një festivali letrar në shtetin e Nju Jorkut./Opinion.al
