Policia e Tiranës ka reaguar pas sulmit fizik të ndodhur ditën e sotme ndaj kreut të Partisë Demokratike Sali Berisha, ku ky i fundit u godit me grusht në fytyrë nga 31-vjeçar Gert Shehu.
Në njoftimin zyrtar të policisë bëhet me dije se 31-vjeçari ka precedëntë të mëparshëm kriminal, për plagosje, prishje të qetësisë publike dhe në fushën e narkotikëve.
Gjithashtu, sipas diagnozës klinike, të vënë në dispozicion nga familjarët e tij, rezulton se 31-vjeçari vuan nga çrregullime psikotike dhe trajtohej prej vitesh, për këtë.
Ndaj Gerti Shehut rëndon akuza për veprën penale “Goditje për shkak të detyrës”.
Ndërkohë, hetimet po vijojnë, nën drejtimin e Prokurorisë së Tiranës, për të zbardhur plotësisht rrethanat e ngjarjes./Opinion.al
