Tre persona kanë mbetur të vrarë dhe një është plagosur në sulmin e autobusit që ndodhi ditën e djeshme në Deçan. Sulmi ka ndodhur rreth orës 17:00 në fshatin Gllogjan, në momentin që autobusi po transportonte nxënës.
Në momentin e atentatit, në autobus po ushtonin 8 persona.
Ndërsa për atentatin ka folur edhe Drejtori i Përgjithshëm i Policisë, Samedin Mehmetaj.
Ai ka thënë se aktualisht janë dy ose tri pista në të cilat po punohet për zbardhjen e autorit të krimit.
“Të gjitha njësitet relevante janë këtu. Aktualisht i kemi dy ose tri pista në të cilat jemi duke punuar. Fatkeqësisht nuk mund të japim detaje sepse në pistat në të cilat po punojmë janë në fazë fillestare”, është shprehur Mehmeti.
Mehmeti tha se aktualisht janë duke u zhvilluar aksione në kërkim të të dyshuarit dhe po merren në pyetje persona që mund të kenë lidhje me rastin.
Ai tha se janë duke punuar në dy ose tri drejtime, ku sipas tij, i kanë dyshimet, por që është herët të flitet se a kanë ose jo person/a të dyshimtë.
“Jemi duke punuar në dy ose tri drejtime, ku i kemi dyshimet me bazë të caktuar por është herët të themi se kemi person/a të dyshimtë”, ka thënë ai./Opinion.al
