Prokurorja, e cila po heton sulmin ndaj autobusit të nxënësve, i ndodhur në Gllogjan të Deçanit, ka treguar të tjera detaje.
Sahide Gashi ka thënë për mediat, se personi i cili ka bërë sulmin në Gllogjan të Deçanit, ka zbrazur pothuajse një karikator të AK-47 ,drejt autobusit me nxënës, ku humbën jetën 3 persona.
“Është përdorur një kallashnikov dhe është zbrazur pothuajse një karikator. Unë hetuesit i kam në terren dhe është duke u bërë ekzaminimi i çdo pëllëmbe të vendit të ngjarjes”,-ka thënë Gashi para mediave.
Sulmi ndodhi pasditen e vonë të së premtes, kur autobusi me nxënës ishte duke lëvizur në Gllogjan. Viktima të sulmit mbetën drejtuesi i autobusit dhe dy nxënës. Deri në këtë momente nuk ka asnjë të arrestuar nga autoritetet kosovare për ngjarjen e rëndë./Opinion.al
