Një nënë ka treguar për mediat bisedën e fundit me të birin i cili mbeti i vdekur në një klub nate në Florida nga të shtënat me armë.
Në këto foto mund të shihni bisedën përmes mesazheve që nëna mori nga djali i saj i tmerruar nga situata, kur një person i armatosur hapi zjarr brenda një klubi nate të dielën në mëngjes.
Mina Justice ishte jashtë klubit duke u përpjekur për të kontaktuar djalin e saj 30-vjeçar Eddie Justice, i cili i coi një mesazh asaj kur nisën të shtënat. Ai i kërkoi asaj që të njoftonte policinë, teksa i thotë se kishte hyrë në tualetin e klubit së bashku me klientët e tjerë për t’u fshehur.
“Ai po vjen, do të vdes”, është mesazhi i fundit që nëna mori nga djali i saj.
Policia tha se një person i armatosur ka vrarë të paktën 50 vetë dhe plagosi 53 të tjerë në një klub nate të mbushur me persona të komunitetit homoseksual në Florida të dielën.
Vrasësi u ekzekutua më pas në një përleshje me oficerët e policisë. Sulmi është duke u hetuar si akt terrorizmi.
/Panorama
