Sulmi me armë zjarri në një xhami në Norvegji po trajtohet si akt i mundshëm terrorist.
Një person i armatosur hapi zjarr të shtunën në qendrën Islamike të Al Nur, në periferi të Oslos, por njëri prej të pranishmeve në xhami arriti të neutralizonte agresorin duke marrë plagë të lehta.
Autoritetet norvegjeze njoftuan se më vonë, një grua që kishte lidhje me të dyshuarin, u gjet e vdekur në banesën e tij.
Autoritetet sqaruan se agresori, ishte shtetas norvegjez, më pikëpamje të së djathtës ekstreme dhe kundër emigrantëve. Ai ishte emër i njohur për policinë por sipas tyre, nuk mund të përshkruhej si dikush me rrezikshmëri kriminale./Opinion.al
