Policia ka shpallur në kërkim katër persona në lidhje me sulmin me armë të ndodhur gjatë mbrëmjes në Shkodër.
Lokali ishte në pronësi të punonjësit të Forcave Shqiponja, Albert Pjetri. Ngjarja ndodhi rreth orës 21:30 në afërsi te rrethrrotullimit te “5 heronjve te Vigut”.
Mësohet se kërkim nga policia janë shpallur shtetasit; Rivaldo Planaj, Orlando Planaj, Bardhok Planaj dhe Mirsad Shpellzaj.
Pas verifikimeve, autoritete kanë gjetur në vendin e ngjarjes 33 gëzhoja të cilat janë sekuestruar në cilësinë e provës materiale.
Sipas “News 24”, efektivi i policisë ditët e fundit ka ndaluar teksa ka qenë në shërbim shtetasin Rivaldo Planaj. Ky i fundit ka tentuar që të mos i bindet policisë dhe ka debatuar me efektivin Pjetri i cili i ka sekuestruar makinën.
Dyshohet se sulmi me armë ka lidhje me debatin që punonjësi i policisë mund të ketë pasur me Rivaldo Planaj, ndërsa vetë Albert Pjetri nuk e ka akuzuar drejtpërdrejtë./ Opinion.al
