Aktualitet

Sulmi kibernetik, drejtoresha e AKSHI-t: Si ky sulm nuk kishte ndodhur ndonjëherë



Bëhu pjesë e Grupit Zyrtar të Opinion.al
>> KËTU <<
               Publikuar në : 17:29 - 29/07/22 |
Opi Nion

Drejtorja e AKSHI-t Linda Karcanaj ka folur lidhur me sulmin kibernetik  në vendin tonë pak ditë më parë, i cili nxori jashtë funksionit shërbimet online.

Karcanaj u shpreh gjatë një konference për mediat  se u deshën 14 ditë punë për të rikthyer sistemet. Drejtorja e AKSHI-t bëri me dije se 98% e shërbimeve online janë në funksion.

Ajo theksoi se hakerat kishin objektiv fshirjen e sistemeve kritike qeveritare, por sipas Karcanaj, asnjë e dhënë nuk ka humbur.

Pas 14 ditësh pune të pandërprerë nga ekipi i AKSHI-t, u bë e mundur që edhe administrata publike t’i kthehet normalitetit. Përgjigja e AKSHI-t ka qenë në dy fronte, rikuperimi i të gjitha sistemeve kritike qeveritare dhe paralelisht edhe izolimi i aktivitetit keqdashës. Ky sulm nuk kishte ndodhur ndonjëherë në historinë e vendit tonë. Llojet e sulmit ishin dy. Aktiviteti i parë nisi në formën e një sulmi ramsoëare. Objektivi i vërtetë i sulmit ishte fshirja e të gjitha sistemeve kritike qeveritare. Falë reagimit të shpejtë nuk pati humbje të dhënash. Pavarësisht se sulmi ishte i një shkalle të lartë, u krye izolimi i menjëhershëm i tyre. Sistemet u verifikuan një nga një që të ishin të sigurt para se të ktheheshin online dhe në funksionalitet. Falë punës të AKSHI-t, që këto javë nuk kanë vënë gjumë në sy, kemi këtë status: faqet zyrtare të ministrive dhe sistemi i fiskalizimit u rikthyen në funksion të plotë brenda 12 orësh nga sulmi, drejtoria e doganave, agjencia kombëtare e barnave. Mund të them që mbi 98% e shërbimeve online janë tashmë funksionale. E-albania u kthye në funksion.”-tha Karcanaj./Opinion.al

Pas