Autori i sulmit të tmerrshëm në Toronto të Kanadasë, Alek Minassian, 25 vjeç është vënë në pranga nga policia. Ngjarja është e mbushur me mister. 25 vjeçari nuk ka qenë person me precedente penal dhe as i skeduar nga policia vendase. Ajo çka dihet është se sulmi është i qëllimshëm, por motivet nuk janë ende të qarta thanë autoritet, raporton BBC. Policia tha se Alek Minassian ishte nga periferia veriore e Torontos, lagjia Richmond Hill dhe nuk ishte i njohur më parë nga autoritetet.
Kryeministri kanadez Justin Trudeau reagoi në Twitter: “sulm tragjik dhe i pakuptimtë” “jam thellësisht i trishtuar”. Shtëpia e Bardhë lëshoi një deklaratë duke thënë se SHBA “qëndron me popullin kanadez” dhe duke ofruar “çdo mbështetje që Kanadaja mund të ketë nevojë”.
Nga sulmi tragjik me furgon 10 persona kanë humbur jetën dhe 15 të tjerë janë plagosur. Incidenti ka ndodhur në rrugën Yonge në orën 13:30, sipas kohës lokale.
Agjencia e lajmeve Reuters kujton se ka pasur disa sulme vdekjeprurëse, duke goditur me automjete, në SHBA dhe në Evropë, përfshirë një më 31 tetor në Nju Jork, ku kanë mbetur të vrarë tetë njerëz. Grupi militant Shteti Islamik i inkurajon mbështetësit të përdorin automjetet për sulme. Por gjithsesi, në rastin konkret ende nuk dihet nëse është ISIS pas këtij sulmi.
Në Toronto, përkatësisht rreth 30 kilometra nga vendi i incidentit të së hënës, po mbahet një takim i ministrave të Jashtëm të G7-ës, apo grupit të shtatë vendeve më të industrializuara. Autoritet thanë se takimi i G7 do vazhdojë normalisht nuk do pezullohet pas kësaj ngjarje të rëndë. /Opinion.al
