Presidenti Meta ka reaguar mbi raketat e lëshuara nga Irani drejt bazave ushtarake amerikane. Kreu i shtetit thekson se ky është një veprim provokues me pasoja të rrezikshme për rajonin dhe shton se Irani duhet të respektojë marrëveshjet ndërkombëtare.
Po ashtu Meta shprehet se Shqipëria nuk është një vend djallëzor, por një vend demokratik që ka vuajtur nga një diktaturë djallëzore e pashembullt, ndaj të drejtat e njeriut i ka të shenjta dhe thekson se prej dy dekadash mbetet e vendosur në angazhimet e saj përkrah SHBA dhe vendeve të NATO-s.
Statusi i Metës:
Raketat e lëshuara nga Irani drejt dy bazave ushtarake irakiane që strehojnë ushtarakë amerikanë dhe personel të koalicionit, janë një veprim provokues me pasoja të rrezikshme për rajonin dhe stabilitetin e tij. Irani duhet të respektojë marrëveshjet ndërkombëtare, ligjet ndërkombetare dhe detyrimet e tyre në interes të paqes.
Shqipëria nuk është një vend djallëzor, por një vend demokratik që ka vuajtur nga një diktaturë djallëzore e pashembullt, ndaj të drejtat e njeriut i ka të shenjta.
Prej dy dekadash Shqipëria mbetet e vendosur në angazhimet e saj përkrah SHBA dhe vendeve të NATO-s në luftën kundër terrorizmit ndërkombëtar dhe çdo akti që vë në rrezik stabilitetin dhe paqen në botë.
