Policia e Kosovës është duke kryer sërish aksione në veri të vendit.
Lajmin e ka konfirmuar zëvendësdrejtori i Policisë së Kosovës në rajonin e veriut, Veton Elshani, shkruan klankosova.
Sipas tij, operacioni ka të bëjë me agresionin e 24 shtatorit në Banjskë të Zveçanit.
Nga aksioni i sotëm i policisë, deri tani nuk ka persona të arrestuar.
Kujtojmë se Policia e Kosovës u sulmua nga një grup personash më 24 shtator në Banjskë të Zveçanit, ku mbeti i vrarë polici Afrimi Bunjaku.
