Kryeministri Edi Rama ka reaguar për sulmet terroriste që kanë ndodhur kohët e fundit në Izrael.
Përmes një postimi në Twitter, Rama thotë se Shqipëria do të përkrahë Izraelin dhe të gjithë fqinjët myslimanë që kanë zgjedhur rrugën e paqes dhe bashkëpunimit.
“Jemi thellësisht të pikëlluar nga sulmet pa dallim ndaj Izraelit që kanë rezultuar në humbje jetësh dhe dënojmë me forcë autorët dhe mbështetësit e tyre. Shqipëria qëndron e vendosur me Izraelin dhe të gjithë fqinjët e tij myslimanë që kanë zgjedhur rrugën e paqes dhe bashkëpunimit”, tha Rama.
Reagimi i kryeminstrit erdhi pas një sulmi terroristtë ndodhur në Tel Aviv, ku një turist italian u vra dhe disa të tjerë u plagosën.
Kujtojmë se tensionet pas sulmeve ajrore izraelite mbi objektivat militantë palestinezë si në Liban ashtu edhe në Gaza janë shtuar së fundmi.
We are deeply saddened by the indiscriminate attacks on Israel that have resulted in loss of life, and we strongly condemn the perpetrators and their supporters. Albania stands firm with Israel and all its Muslim neighbours that have chosen the path of peace and cooperation.
— Edi Rama (@ediramaal) April 8, 2023
