Ministri i Mbrojtjes në Sri Lankë, Hemasiri Fernando ka dhënë dorëheqjen nga posti pas sulmeve të së dielës së kaluar, në ditën e Pashkës. Vendimin ai e konfirmuar për agjencinë e lajmeve Reuters.
Fernando ka thënë se mungesa e komunikimit nuk ka qenë për faj të tij, por ka shtuar se gjithsesi ndihet përgjegjës për sjelljen e disa enteve në varësinë e Ministrisë së Mbrojtjes.
Çështja që u diskutua më shumë pas sulmit të ditës së diel, ishin informacionet e shërbimeve të inteligjencës dhe mungesa e koordinimit mes institucioneve. Në një raport sekret, SHBA dhe India e kishin paralajmëruar Sri Lankën për mundësinë e sulmeve terroriste që në 4 prill.
Presidenti i vendit, Maithripala Sirisena tha se kishte pasur mungesë të koordinimit të sistemit të inteligjencës dhe kërkoi dorëheqjen e Fernandos./Opinion.al
