Sulmet terroriste që përgjakën Pashkët në Sri Lanka, ditën e diel, duke lënë të vdekur 290 persona dhe qindra të plagosur, kanë vënë në lëvizje autoritetet ndërkombëtare.
Sipas CNN, lidhur me ngjarjen e rëndë inteligjenca amerikane, Interpol dhe FBI kanë nisur hetimet. Byroja Federale e Hetimeve po ndihmon aktualisht autoritetet e Sri Lanka që të hetojnë shpërthimet e së dielës.
Po ashtu dhe Organizata Ndërkombëtare e Policisë Kriminale (e njohur si Interpol) po vendos ekipet më të specializuara të anti-terrorit, për të ndihmuar autoritetet e Sri Lanka, në identifikimin e disa prej viktimave.
Njësi të specializuar po bëjnë verifikimet e nevojshme për identifikimin dhe arrestimin e organizatorëve të sulmeve terroriste.
Vendosja e këtyre ekipeve në Sri Lanka është bërë me kërkesë të vetë autoriteteve vendase.
Një zyrtar amerikan bëri me dije se të paktën katër qytetarë amerikanë janë vrarë gjatë këtyre sulmeve, por ende ekzisoton mundësia që numri i viktimave të rritet me kalimin, pasi disa të plagosur janë në gjendje të rëndë./ Opinion.al E.Xh.
