Franca ka dërguar shtatë ekspertë ushtarakë për të hetuar sulmet e kësaj fundjave në objektet e naftës saudite, përfshirë specialistë eksplozivësh, raketash dhe sistemesh mbrojtjeje tokë-ajër.
Lajmin e bëri të ditur, ministri i Jashtëm francez, Jean-Yves Le Drian, i cili tha se pretendimi i rebelëve Houthi të Jemenit, që ishin përgjegjës për sulmin ndaj objekteve të naftës saudite, nuk ishte “shumë i besueshëm”.
Kujtojmë se më 14 shtator, ndodhën disa sulme në rafineritë e naftës në Arabinë Saudite dhe përgjegjësinë e morën rebelët Huthi në Jemen që gëzojnë mbështetjen e Iranit.
Shtetet e Bashkuara fajësuan Iranin për sulmet përderisa ministria e Mbrojtjes në Arabinë Saudite ka njoftuar disa mbetje të dronëve dhe raketave, që sipas saj dëshmojnë përfshirjen e Iranit në sulmet e fundjavës.
Irani ka mohuar çfarëdo përfshirje dhe ka paralajmëruar se do të hakmerret kundër secilës përgjigje ushtarake kundër tij./Opinion.al
