Ato që ndodhën nuk ishin asgjë. Është ky paralajmërimi i që rrjeti amerikan CNN. Sipas të dhënave të tyre, 13 nëntori i 2015-ës duhej të ishte dita e atentateve në të gjithë Europën, jo vetëm në Paris.
Këtë përfundim CNN e nxjerr pasi ka parë më shumë se 90 mijë dokumente që lidhen me hetimet. Dihej që Abdelhamid Abaaoud, i cili mbeti i vrarë në sulmin e policisë në Saint Denis pesë ditë më pas, kishte planifikuar një atentat të ri në 18 ose në 19 nëntor në zonën e Défense, ndoshta në qendrën tregtare “Les Quatre Temps”.
Në bazë të informacioneve të shërbimit të inteligjencës të cituara nga CNN, ISIS kishte shtuar përpjekjet për të dërguar terroristë në Britaninë e Madhe për të kryer atentate.
Për të përgatitur këto atentate, ISIS kishte ndarë operacionet në disa faza. Terroristët do të merrnin informacione dhe para të mjaftueshme për të arritur në nivelin tjetër dhe nuk kishin dijeni për planin e plotë.
Të gjithë duhej të përdornin pseudonime edhe brenda çdo skuadre dhe komunikimet duheshin bërë me mesazhe të kriptuara. CNN flet për një rritje të cilësisë në aftësitë organizative të ISIS./tvklan.al
