Presidenti i Turqisë, Recep Tayyip Erdogan, tha se qeveria siriane do të paguajë një “çmim shumë të shtrenjtë” për shkak të sulmit ndaj trupave turke në rajonin e Idlibit në Siri, ku janë vrarë 13 ushtarë.
Bisedimet midis Turqisë dhe Rusisë përfunduan pa një marrëveshje, për ndalimin e luftës ndërmjet forcave të presidentit Bashal-al Assad dhe rebelëve anti-qeveritarë ku Turqia përkrah forcat rebele, ndërkaq Rusia mbështet presidentin, Bashar al-Asad.
Forcat qeveritare siriane po bëjnë përpjekje për të kthyer kontrollin në rajonin e Idlibit, dhe disa pjesë të Alepos, territoret e fundit në të cilat kanë kontroll rebelët anti-qeveritarë. Kështu që, Ankaraja vendosi mijëra ushtarë për të frenuar ofensivën, e cila ka shkaktuar zhvendosjen e rreth 700.000 njerëzve nga shtëpitë e tyre.
Në Turqi gjenden aktualisht rreth 3.5 milionë refugjatë sirianë dhe Ankaraja ka frikë se pas përshkallëzimit të dhunës në Idlib mund të ndodhë një fluks tjetër i refugjatëve ./Opinion.al
