Kryeministri Edi Rama iu është përgjigjur kritikëve për sulmin kibernetik të Iranit ndaj vendit tonë.
Në një postim në “Twitter”, Rama thotë se për këto sulme ka trillime dhe tregohet një ligësi e neveritshme në raport me vendin dhe njerëzit.
“Kënaqësia që pjell kaq shumë trillime, shpotitje dhe akuza lidhur me sulmet kibernetike nga një shtet agresor, përveçse për padije të thellë mbi fushën e përtaci të madhe ndaj informacionit, flet për një ligësi të neveritshme në raport me vendin e me njerëzit e këtij vendi!”, deklaron Rama.
