Këngëtarja Bleona Qereti ka zgjedhur rrugën ligjore për t’iu kundër përgjigjur Evi Kokalarit, e cila nëpërmjet një postimi në rrjetet sociale doli kundër kandidimit të saj për të qenë pjesë e Këshillit Kombëtar në PD.
Avokati, Marc E. Kasowitz, i cili ka qenë dhe avokati i ish-Presidentit të SHBA, Donald Trump, i është drejtuar me një letër zyrtare Kokalarit, duke e paralajëmruar që të ndaloj sulmet dhe shpifjet ndaj këngëtares, pasi në të kundërt do e padiste dhe do kërkonte dëmshpërblim.
“E nderuara zonja Kokalari: Përfaqësojmë znj. Bleona Qereti. E kuptoj që keni bërë deklarata të shumta në media dhe të tjerëve në lidhje me zonjën Qereti që ju e dini se janë haptazi të rreme, keqdashëse dhe shpifëse, dhe të cilat kanë qenë projektuar dhe në fakt e kanë dëmtuar reputacionin e saj dhe profilin e biznesit. Po ju shkruaj për t’ju kërkuar menjëherë të pushoni dhe të hiqni dorë nga deklaratat e tilla për znj. Qereti. Nëse nuk pushoni, ne do të fillojmë menjëherë procesin gjyqësor në emër të saj për lehtësim urgjent dhe dëmshpërblim kundër jush. Ne rezervojmë të gjitha të drejtat dhe nuk heqim dorë nga asnjë. Sinqerisht, Marc E. Kasowitz”,-shkruhet në letër.
Evi Kokalari kundërshtoi hapur kandidaturën e Bleona Qeretit për të qenë anëtare e Këshillit Kombëtar të PD. Në “Facebook”, Kokalari shkroi se Bleona nuk është imazhi me të cilin do të ndërtohen vlerat e PD. Kokalari ka thënë që ringritja e PD të merret seriozisht dhe pjesë e saj të jenë intelektualë.
Çfarë shkroi Evi Kokalari?
“Nuk e di kush e propozoj këtë në Këshill & pse, por vetëm galeria në këtë artikull mjafton të kuptosh që ky nuk është imazhi që duhet të ndërtojmë dhe do përdoret për ti ulur vlerat Kuvendit nesër. Do doja të shikoja intelektual dhe shkrimtar e artist si Inva Mula dhe Visar Zhiti, etj në këshill. Ose merreni PD-në seriozisht ose mos na humbni kohën kot. Jam pa fjalë.”-/Opinion.al
