Së paku 16 pjesëtarë të forcave të sigurisë së Afganistanit u vranë të hënën nga sulmet e dyshuara të talibanëve.
Ministria e Mbrojtjes tha se një kamion i mbushur me eksplozivë shpërtheu pranë një kolone të ushtrisë në provincën Maidan Vardak, duke lënë të vrarë së paku tetë ushtarë dhe nëntë të plagosur.
Përgjegjësinë për sulmin nuk e ka marrë ende asnjë grup, por militantët talibanë dhe ata të grupit Shtetit Islamik janë fajësuar në të kaluarën për sulme të ngjashme.
Disa orë më herët, një zyrtar afgan tha se së paku tetë pjesëtarë të sigurimit të qeverisë janë vrarë në një sulm të talibanëve në veri të Afganistanit.
Esmatullah Moradi, zëdhënës i guvernatorit të provincës Kunduz, tha se militantët talibanë kanë sulmuar dy pika të kontrollit të sigurisë.
Talibanet vazhdojnë të organizojnë sulme në gjithë Afganistanin, edhe pse kanë nënshkruar një marrëveshje fillestare të paqes me Shtetet e Bashkuara, në muajin shkurt./Opinion.al
