Një person i armatosur me hanxhar ka sulmuar disa persona mëngjesin e së premtes në vendin ku më parë ndodheshin zyrat e gazetës satirike “Charlie Hebdo”. Kjo gazetë, 5 vjet më parë ishte objekt i një sulmi terrorist.
Tre persona raportohet të jenë plagosur dhe janë dërguar me urgjencë në spital, mes tyre punonjësi i një shoqërie pranë zyrave të gazetës.
Arsyet e këtij sulmi janë ende të panjohura ndërkohë që efektivë të shumtë kanë nisur një operacion të gjerë për gjetjen e autorit, i cili raportohet të jetë larguar me metro.
Së fundmi një tjetër kërcënim është bërë nga Al Kaeda ndaj gazetës “Charlie Hebdo”. Paralajmërimi erdhi pasi kjo e fundit vendosi të ripublikojë karikaturat e profetit Muhamed./Opinion.al
