Të paktën 15 persona kanë humbur jetën si pasojë e një sulmi vetëvrasës me autobombë në kryeqytetin e Somalisë, Mogadishu.
Muhammed Husejin, zyrtar policor, ka njoftuar se automjeti i përdorur për kryerjen e sulmit ka qenë i dekoruar si automjet për shpërndarjen e qumështit. Siç ka informuar Husejin, sulmi ka ndodhur në qendër të qytetit, kurse si pasojë kanë humbur jetën 15 persona, teksa nëntë të tjerë janë plagosur.
Husejin bëri të ditur se shumica e viktimave të shpërthimit ishin civilë, ndërsa vazhdojnë shqetësimet për rritjen e numrit të viktimave për shkak të gjendjes së rëndë të nëntë personave të plagosur, raporton Anadolu Agency.
Nga policia e vendit ende nuk ka deklaratë lidhur me atë se kush e ka organizuar sulmin, ndërkohë që organizata terroriste Al Shabab përmes mediumit të tyre kanë marrë përsipër sulmin.
Ndryshe, sulm vetëvrasës në kryeqytetin Mogadishu kishte ndodhur edhe të enjten e javës së kaluar në hyrje të një picerie, ku 31 persona kishin ngelur të plagosur.
