Një grup personash të armatosur kanë rrëmbyer 40 besimtarë nga një kishë në një fshat në Nigerinë veriore.
Bandat e armatosura, të njohura në vend si banditë, kanë rrëmbyer njerëz nga fshatrat, shkollat dhe autostradat kryesisht në veriperëndim të vendit, ku siguria e qeverisë është e pakët.
E së fundmi disa persona të armatosur kanë rrëmbyer 40 besimtare nga një kishë në një fshat të largët në Nigeri.
Reverend Joseph John Hayan, kryetar i Shoqatës së Krishterë të Nigerisë në shtetin Kaduna, tha se sulmi ndodhi të dielën kur persona të armatosur sulmuan besimtarët gjatë një shërbimi në kishën e fshatit Madala, në zonën e qeverisjes lokale Chikun.
Chikun është ndër dy distriktet në Kaduna ku bandat e armatosura që kërkojnë shpërblim janë më aktive.
Kryetar i Shoqatës së Krishterë të Nigerisë tha se 15 nga të rrëmbyerit u arratisën nga robëruesit e tyre të dielën mbrëma.
“Ne nuk kemi dëgjuar asnjë kontakt për shpërblim apo ndonjë gjë nga personat e armatosur në lidhje me njerëzit e mbetur dhe lutemi që rrëmbyesit të jenë të mëshirshëm për t’i liruar 25 personat e tjerë”, tha Hayan./Opinion.al
