BBC ka konfirmuar vdekjen e 3 personave në një sulm të ndodhur në një hotel që pret azilantë në Glasgou. Mes viktimave mësohet të jetë edhe agresori i cili është qëlluar me armë zjarri nga një agjent.
Ndërkohë dy personat e tjerë janë viktima të agresorit dhe janë qëlluar me thikë. Njëkohësisht raportohen edhe 6 persona të plagosur sipas zëvendëskomandantit të policisë skoceze, Steve Johnson. Mes të plagosurve gjendet edhe një oficer policie gjendja e të cilit është e rëndë.
Ndërsa ende nuk ka një motiv të qartë për arsyet e sulmit, policia po heton në të gjitha pistat e mundshme, që nga një konflikt personal i rezidentëve azilantë në hotel e deri tek mundësia e një sulmi terrorist.
Një dëshmitar i cituar nga BBC, Craig Milroy ka treguar se ka parë një njeri me ngjyrë të shtrirë në tokë i gjakosur përpara hotelit, por nuk e dinte nëse bëhej fjalë për agresorin apo ndonjë nga viktimat./Opinion.al
