Pesë persona janë vrarë dhe disa të tjerë janë në gjendje serioze, përfshirë një fëmijë të vogël, pas një sulmi me thikë në një qendër tregtare në Sidnej.
Policia ka konfirmuar numrin e të vrarëve dhe ka thënë se sulmuesi është qëlluar për vdekje.
Policia thotë se nuk ka asnjë motiv të qartë në lidhje me sulmuesin që ka vrarë pesë persona dhe ka plagosur disa të tjerë.
Ndihmës komisioneri Anthony Cooke tha se sulmuesi kishte qenë në qendër, u largua, pastaj u kthye, në atë moment filloi të godiste me thikë njerëzit në qendër.
“Nuk ka asgjë që ne dimë në vendin e ngjarjes që do të tregonte ndonjë motiv apo ndonjë ideologji.”
I pyetur nga një gazetar nëse policia po përjashtonte terrorizmin, Cooke tha:
“Nuk përjashtojmë asgjë.”
Në disa pamje më herët rrjetet sociale janë parë disa viktima, si dhe një burrë duke mbajtur një thikë të madhe.
Turma njerëzish kanë ikur prej qendrës tregtare dhe njerëzit janë udhëzuar që të shmangin këtë zonë.
