Një ngjarje e rëndë ka tronditur ditën e sotme Federatën Shqiptare të Peshëngritjes, pas një përplasjeje fizike të ndodhur mes palëve të anëtarëve të këtij sporti.
Një delegacion i këtij sporti ka marrë pjesë në Bosnje në kampionatin e të rinjve, aty ku ka ndodhur edhe konflikti mes palëve, ku sipas komunikatës së Federatës së Peshëngritjes, përveç dhunës së ushtruar, ka pasur dhe sulme me thikë.
Me anë të një komunikate zyrtare, Federata Shqiptare e Peshëngritjes denoncon me emra dhe video, të gjithë ngjarjen e ndodhur.
KOMUNIKATA ZYRTARE E FEDERATËS SË PESHËNGRITJES
“Në këtë status do të gjeni videon e Z.Dashamir Caika duke sulmuar dhe dhunuar me thikë trajnerin e Ekipit Kombëtar Z.Bashkim Nikolla dhe sportistin e tij Z.Bekim Gripshi.
Në atë aktivitet Z.Bashkim ka qenë shef i delegacionit për aktivitetin në Bosnje. Pasi Z.Dashamir ka kërkuar të jetë pjesë e këtij aktiviteti me sportistë që nuk e meritonin dhe federata e ka kundërshtuar këtë kërkesë.
Z.Dashamir ka sulmuar me thikë Bashkim Nikollën dhe Bekim Gripshin duke menduar se Z.Nikolla ka refuzuar kërkesën e tij./Opinion.al
