Një infermiere ka ndërruar jetë si pasojë e një sulmi me thikë në spitalin universitar në qytetin francez të Reims, ku ka mbetur e plagosur rëndë edhe një sekretare e qendrës.
Ministri francez i Shëndetësisë, François Braun, ka njoftuar në llogarinë e tij në Twitter vdekjen e infermieres, 38 vjeçare dhe ka shprehur ngushëllimet e tij për të afërmit e tij dhe ekipin e spitalit që vizitoi dje, pak orë pas sulmit.
“Është një nga dramat më të mëdha që mund të prekë kombin tonë,” tha zëdhënësi i qeverisë i cili shpjegoi se sulmi ndodhi në një dhomë zhveshjeje dhe se sulmuesi “me sa duket është një pacient i çekuilibruar. ”
I dyshuari 59 vjeçar, i cili është kapur me shpejtësi nga policia, ka pasur një thikë në xhepin e pantallonave. Ai nuk kishte asnjë takim mjekësor dhe nuk po trajtohej në vendin ku ndodhi ngjarja.
Dyshohet se ka qenë i akuzuar më parë për përdhunim, por u shpall i pafajshëm në qershor 2022.
Vitin e kaluar, 37% e infermierëve në Francë thanë se kishin pësuar një lloj dhune. Në 90% të rasteve, agresorët ishin pacientë ose shoqërues./Opinion.al
