Gjashtë persona, përfshirë edhe autorin, kanë vdekur nga të shtënat me armë në Plymouth në Britaninë e Madhe.
Policia tha se viktimat ishin tre gra, dy burra dhe një fëmijë i mitur. Ndërsa autori i sulmit, vrau veten pas gjithë masakrës që kishte kryer.
Ndërkohë, lidhur me ngjarjen policia konfirmoi se nuk ka lidhje me terrorizmin.
Një deputet tha se një nga të vrarët ishte një fëmijë nën 10 vjeç ndërsa shumë njerëz po trajtoheshin në spital. Deputeti i Plymouth Sutton & Devonport, Luke Pollard deklaroi se incidenti ishte “tmerrshëm i papërshkrueshëm” dhe se ai ishte “plotësisht i shkatërruar” kur mësoi se mes të vdekurve ishte edhe një fëmijë.
Në një deklaratë, Policia e Cornwall tha se “Zona është e rrethuar dhe policia nuk po kërkon askënd tjetër në lidhje me incidentin.”
Një dëshmitar okular, i cili jeton pranë Biddick Drive tha se ajo që ndodhi ishte “e tmerrshme dhe e trishtueshme”.
“Së pari, kishte dëgjuar britma dhe më pas të shtëna,” tha ai. “Sulmuesi goditi derën e një shtëpie dhe filloi të qëllonte rastësisht. Ai iku nga shtëpia duke qëlluar me armë ndërsa vraponte dhe vazhdoi të gjuante mbi disa persona në parkun linear nga makina.”
Dëshmimtari tha se “sulmuesi vazhdoi përgjatë Avenue Royal Navy ende duke qëlluar”.
Njerëzve iu kërkua të qëndrojnë brenda banesave dhe të ndjekin këshillat e policisë ndërsa shërbimet e urgjencës do të përgjigjën për nevojat e tyre./Opinion.al
