Dy persona janë vrarë dhe tre të tjerë janë plagosur në një kishë në Teksas, pas një sulmi me armë zjarri. Sipas BBC autori është ndaluar pasi persona të tjerë të armatosur në kishë e kanë qëlluar për vdekje.
Në bazë të një ligji të miratuar në muajin shtator, personat e pajisur me leje mund të mbajnë armët e tyre në vende lutjesh si në kishë. Dëshmitarët kanë raportuar se autori ishte mashkull dhe e kanë përshkruar me një mjekër të rreme dhe syze, dhe gjithashtu ka bashkëbiseduar me besimtarët para se të hapte zjarr.
FBI po bashkëpunon me policinë lokale në procesin e hetimeve për të zbuluar motivin e autorit për këtë sulm të papritur. Teksasi është përballur me një varg sulmesh me armë zjarri gjatë vitit 2019.
Gjatë muajit Gusht 22 persona janë vrarë dhe 24 të tjerë janë plagosur në një dyqan në El Paso. Në po të njëjtin muaj, disa të shtëna të tjera kanë çuar në vdekjen e shtatë personave dhe plagosjen e 20 të tjerëve në Odesa të këtij shteti./Opinion.al/
