Një ngjarje e rëndë ka ndodhur në SHBA. Një burrë i armatosur qëlloi për vdekje ish-gruan e tij dhe pesë persona të tjerë gjatë në një fshat të vogël në shtetin amerikan të Mississippi, thotë policia.
Trupas e viktimave u gjetën në vende të ndryshme, duke përfshirë një dyqan dhe dy shtëpi, në Arkabutla, një komunitet me më pak se 300 persona.
Policia ka akuzuar një vendas 52-vjeçar për vrasje të shkallës së parë. I akuzuari ndodhet në bugun e qarkut, ndërsa ende nuk është zbardhur motivi i sulmit.
I dyshuari besohet se ka vepruar i vetëm, tha guvernatori i Mississippi, Tate Reeves.
Gjithçka nisi kur personi i armatosur hyri në një dyqan në një pikë karburanti rreth orës 11:00 me orën lokale (17:00 GMT) dhe qëlloi një burrë me të cilin nuk kishte asnjë lidhje të dukshme, tha Sherifi Brad Lance.
Më pas ai shkoi në një shtëpi aty pranë ku qëlloi për vdekje ish-gruan e tij dhe, sipas CNN, e goditi por nuk e qëlloi të fejuarin e saj.
Hetuesit thonë se personi i armatosur më pas shkoi me makinë në një shtëpi pranë rezidencës së tij dhe qëlloi për vdekje një burrë që mund të ketë qenë njerku i tij, si dhe një grua që ende nuk është identifikuar , raporton Neë York Times.
Më pas ai qëlloi dy persona, një brenda një makine dhe një në rrugë, jo shumë larg shtëpisë së tij. Dy viktimat e fundit duket se kanë qenë punëtorë ndërtimi.
