Pas përballjes mes deputetët e grupit parlamentar një ditë më parë, ku shumë prej tyre artikuluan dorëheqjen e Lulzim Bashës, ky i fundit zhvillon sot mbledhjen e kolegjit të kryetarëve.
Ajo që ra në sy në diskutimet e bëra publike në media, është fakti se kryetarët e degëve kanë vënë gishtin mbi deputetët për shkaqet e humbjes së partisë në zgjedhjet e 6 Marsit.
Pas Ferdinand Saraçit të Rrogozhinës, që deklaroi se deputetët nuk i qëndruan në krah, edhe Fran Frrokaj i Lezhës e vuri gishtin mbi të zgjedhurit në kuvend, teksa tha se deputetët nuk duhet të shkojnë me Versace në fushatë, por të shkojnë për të punuar. Në të njëjtën frymë kanë qenë më pas edhe diskutimet e kryetarëve të tjerë të degëve, ndërsa Vesel Koçia i Sarandës, u shpreh: “Meta e Berisha organizuan zgjedhjet për të goditur PD. Deputetët ngelën nëpër televizione e konferenca, i lanë njerëzit në rënie të lirë. Nëse kryesia dhe deputetët të ishin seriozisht në terren, nuk do të kishim këtë rezultat”.
Por burime të sigurta të Opinion.al brenda PD, bëjnë me dije se ky qëndrim i unifikuar nuk ka qenë aspak rastësor, por krjetësisht i programuar. Kryetarët e degëve kanë qenë të porositur qysh para mbledhjes për të dalë në këtë qëndrim, duke ju kundërvënë deputetëve që një ditë më parë deklaruan kryetarin si shkaktarin kryesor të humbjes./Opinion.al
