Seanca e sotme parlamentare është shoqëruar me tensione të shumta, debate dhe fjalor të rëndë nga ana e deputetëve.
I tillë ka qenë edhe komunikimi i deputetit demokrat Dashnor Sula, i cili ka folur në Kuvend me një ton të ashpër dhe fjalor të rëndë për kërkesën e SPAK mbi arrestimin e Arben Ahmetajt.
Sula kërkoi për të disatën herë që të futet në rend dite kërkesa e PD për të miratuar kërkesën e SPAK për arrestimin e Ahmetajt.
Ndër të tjera, ai tha se me këto hunj e gojore që kanë ndodhur, sot s’duhej të kishte parlament, duke ju referuar skandalit seksual të Safet Gjicit dhe dhunën e Rrajave në Krujë për guroren.
“Mblidhni komisionin e ligjeve për 5 minuta. Merrni vendim për drogën dhe nuk merrni vendim për arrestimin e Ahmetajt. Juve ju ka kap arroganca, nuk na llogarisni më. Sot nuk duhej të kishte parlament,. Sot duhej të ishin përmbysur tavolinat.
Ca duhet të më, të futemi edhe ne opozita në burg që të kujtoheni që ekziston opozita. Duam të ngelë në dokumente, të protokollohet. Hidhe poshtë, i keni forcat e kartonëve. Pse e bëni një gjë të tillë. Me ngjarjet që kanë ndodh në Shqipëri, hunj, gojore, s’duhej të kishte parlament”, tha Sula./Opinion.al
