Nuk kanë munguar ironitë e Kryeministrit Rama në seancën e sotme plenare, ku iu përgjigj akuzave të opozitës për çëshjen Mc Gonigal.
Teksa mbylli fjalimin e tij që zgjati mbi 45 minuta kreu i qeverisë iu drejtua opozitës duke iu thënë “suksese në jetë”, dhe menjëherë më pas la sallën e Kuvendit.
Gjatë fjalës së tij Rama lexoi aktakuzën e FBI-së ku përmendet emri i tij, pranoi takimet me ish-zyrtarin e FBI, McGonigal ndërsa tha se nuk ka asgjë kompromentuese në drejtim të tij apo qeverisë.
“Asgjë e hatashme, asgjë e qortueshme nuk thuhet në këtë aktakuzë. Ajo nuk thotë asgjë, zero, as për mua, as për qeverinë shqiptare as për këdo tjetër që ka takuar personi, as për shtetin shqiptar. Këtu tani rrugët ndahen më shumë dhe më qartë se askund tjetër. Unë në punët e mia, ju në rrugët tuaja të revolucioneve…”-tha Rama.
