Suela Kalaja dhe Sajmir Çili kanë pasur një divorc tepër të vështirë. Mbushur me akuza të rënda në adresë të njëri – tjetrit, urdhra mbrojtjeje apo edhe dhunë fizike. Ky divorc arriti t’i dilte jashtë kontrollit çiftit pasi e gjitha u bë më publike se sa duhet. Fillimisht u bë publik denoncimi i Çilit ndaj ish bashkëshortes Suelës, ku ai pretendonte se kjo e fundit kishte ushtruar dhunë fizike gjatë një sherri, dhe më pas të njejtën akuzë bëri edhe Suela, duke kërkuar urdhër mbrojtjeje.
Por historia e tyre është rikthyer në vëmendjen mediatike, pas një interviste që Suela Kalaja dha për emisionin “Arratia e Peshkut të Kuq”. Pjesë nga intervista, ajo e ka përmbledhur në një status të sajin ku derdh një lum akuzash ndaj Çilit. Ajo e akuzon atë si një njeri të papërgjegjshëm, i cili përpiqet t’i anashkalojë edhe detyrimet financiare që ka ndaj vajzës së tyre, duke i bërë thirrje që vajzës t’i mbushë barkun dhe shpirtin.
Statusi i plotë i Suelës:
“Ke të drejtë që ke frikë nga Zoti, baba fëmije! Një artist di të thotë emrin e autores së teksteve që dhe atë autorësi e kalon në media si ndjenja jote e madhe! Ato fjalë janë të shpirtit tim kur vuaja unë e fëmija, kurse ti s’ishe! Zoti të dhëntë ç’meriton e boll gënjeve veten dhe të tjerët. Na le gjyqeve e rajoneve, por kjo është Shqipëria!
Ty s’të pëlqen lindja e diellit se ishe përgjumësh kur mbërrije në shtëpi ose të gjente në gjumë. Pate qënie që të mësuan si të hakmerreshe! Më kot mbush mediat me foton e vajzës tonë, por kujtohu t’i mbushësh shpirtin dhe barkun!
U ankove e akuzove gazetarët (madje dhe mua që s’kisha gisht fare) për privatësi. Unë e respektova, kurse ti përfitove nga besnikëria ime ndaj fjalës së dhënë.
Dhe shtetin me foni falas dhe aheng e bleve. Bleve shtetin, por humbe familjen! Shikoj një fëmijë përballë meje që ha thonjtë! Gjithsesi jam unë. Jemi mirë!!!”
