Kreu i Partisë Demokratike, Sali Berisha ka denoncuar ditën e sotme një rast dhune në qytetin e Elbasanit, i cili sipas tij ka lidhje me zgjedhjet e 11 Majit.
Në një konferencë për media, Berisha deklaron se Suel Çela ka dhunuar shoferin e Taulant Ballës, sepse nuk mbështeste kandidaten e PS, Sara Mile.
Më tej, Berisha tha se po punon fort që këto banda kriminale t’i shpallë ndërkombëtarisht organizata terroriste.
“Ta dinë mirë të gjithë terroristët në Elbasan, Durrës dhe Shkodër. Bajrët, Poja apo Troplinët, që mendojnë se mund t’ia dalin dhe Suel Çela me bandën e tij në Elbasan. Janë edhe këta të Ervin Hoxhës në Vorë, absolutisht më 12 maj shpallen organizata terroriste. Do punoj me komunitetin ndërkombëtar që ti shpallin ata organizata terroriste. Edhe Edi Rama do shkojë me ta.
Sot psh është një ditë e veçantë, po shpërndarjen para dhe nuk rrinë ata. 4 ditë para ia theu kockat shoferit të Taulant Ballës, Sueli, sepse është një famoze, një Sara Mile e cila sipas Ramës duhet të jetë patjetër në Parlament. Një Jurgis Çyrbe me fustan. Por ta dinë se kambanat e Evropës dhe botës bien për ta. Nuk do gjejnë vrimë ku të futen”, tha Berisha.
