Autoritetet suedeze miratuan një protestë gjatë se cilës do të digjet libri i shenjtë i Kuranit jashtë një xhamie në qendër të Stokholmit të mërkurën.
Sipas CNN, djegia do të përkojë me festën myslimane të Kurban Bajramit, një nga festat më të rëndësishmet në kalendarin islamik.
Vendimi për të lejuar një protestë të tillë nxitëse mund të largojë shanset e Suedisë për t’u bashkuar me NATO-n, për shkak të kundërshtimeve nga Turqia.
Turqia një anëtare e rëndësishme strategjike e NATO-s për shkak të vendndodhjes së saj gjeografike si në Lindjen e Mesme ashtu edhe në Evropë, dhe fuqia e dytë më e madhe ushtarake e aleancës, është dëshmuar si pengesa më e madhe për pranimin e Suedisë në NATO.
Në fillim të këtij viti, marrëdhëniet turko-suedeze pësuan një goditje të madhe pas një mitingu jashtë Ambasadës Turke të Stokholmit, gjatë të cilit një politikan kundër imigracionit i vuri flakën librit Kuranit.
Incidenti shkaktoi zemërim në kryeqytetin turk, Ankara, ku protestuesit dolën në rrugë dhe dogjën flamurin suedez jashtë ambasadës suedeze si përgjigje.
Në atë kohë, ministri i jashtëm i atëhershëm turk thuhet se fajësoi qeverinë suedeze, duke thënë se ajo “kishte marrë pjesë në këtë krim duke lejuar që ky akt i poshtër të ndodhte”, sipas agjencisë shtetërore të lajmeve Anadolu./Opinion.al
